گر میری آزوؤں کو بابِ اثر ملے

کیسے نہ پہنچے منزل رفعت پہ وہ حُروف

جن کو، زبان صاحب شق القمر ملے

مفہومِ زندگی نئے سانچوں میں ڈھل گیا

جب ساکنانِ فرش کو خیرالبشر ملے

دامانِ شہر علم سے جو منسلک نہیں

ممکن نہیں وہ عاقل وبالغ نظر ملے

توصیفِ مصطفیٰ لکھوں حسّان کی طرح

اے کاش، مجھ کو، ان سا شعور وہنر ملے

قلب ونظر پہ چھا گیا دربارِ مصطفیٰ

ہے جستجوئے شوق کہ طیبہ میں گھر ملے

قبل از دعا بھی، بعدِ دعا بھی پڑھو درود

گر چاہتے ہو شاخِ دُعا کو ثمر ملے

خاکِ مدینہ اُوڑھ کے سو جاؤں میں نثار

سلطان انبیاء سے اجازت اگر ملے