قصر طاغوت میں اک زلزلہ آیا ہو گا

by admin

جب علی نے درِ خیبر کو اکھاڑا ہو گا

زور باطل تو وہیں ٹوٹ کے بکھرا ہو گا

زور حق جس گھڑی حیدر نے دکھایا ہو گا

ہے علی کے لیے ارشادِ رسولِ برحق

جس کا مولا ہوں میں اس کا علی مولا ہو گا

پائی مسجد میں شہادت تو حرم ہے مولد

کون اب ان کی طرح دوسرا پیدا ہو گا ؟

بر سر بزم لبوں پر ہے "سلونی” رقصاں

آپ ہی سوچیے علم علی کیسا ہو گا

گردش وقت نے دم توڑ دیا ہوگا وہیں

جب کسی نے شہ مرداں کو پکارا ہو گا

قاسم دوزخ و جنت ہیں علی یاد رہے

حوض کوثر پہ بھی حیدر کا اجارا ہو گا

سچے مومن کی ہے پہچان علی کی الفت

ہے منافق وہی دشمن جو علی کا ہو گا

کتنی محبوب رہی ہوگی نبی کی تعظیم

یونہی حیدر نے کہاں عصر کو چھوڑا ہو گا

آئنہ ذات نبی کا ہیں شہنشاہ نجف

جس نے دیکھا انہیں ، سرکار کو دیکھا ہو گا

فتح و نصرت نے قدم نورؔ کے چومے ہوںگے

جس گھڑی حیدر کرار نے چاہا ہو گا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

الاماں قہر ہے اے غوث وہ تیکھا تیرا

مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھنٹ جاتی ہیں اٹھتا ہے تو تیغا تیرا عکس کا دیکھ کے منہ اور بپھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دو پر کالے ہاتھ پڑتا […]

by admin

بندہ قادر کا بھی، قادر بھی ہے عبد القادر

سرِ باطن بھی ہے ظاہر بھی ہے عبد القادر مفتیِ شرع بھی ہے قاضیِ ملت بھی ہے علمِ اسرار سے ماہر بھی ہے عبد القادر منبع فیض بھی ہے مجمع افضال بھی ہے مہرِ عرفاں کا منور بھی ہے عبد القادر قطب ابدال بھی ہے محور ارشاد بھی ہے مرکزِ دائرہ سرّ بھی ہے عبد […]

by admin