اب یادگارِ شہرِ بتاں صرف راکھ ہے

وہ لو کہ جو رہی تھی رگِ جان کھو چکی

ہم لوگ ہیں وہاں پہ جہاں صرف راکھ ہے

تھی حدتوں کی کھوج بِنائے مسافرت

پر زیرِ پائے عمرِ رواں صرف راکھ ہے

شعلوں کے ساتھ رقص کرو جان توڑ کر

ان گردشوں کے بعد میاں صرف راکھ ہے

ہے رونقِ گمان ترا آتشیں بدن

لیکن پسِ غبارِ گماں صرف راکھ ہے

تاخیر سے ملا ہے یہ آتش کدہ تمہیں

ائے تازہ واردان یہاں صرف راکھ ہے

اب تیرے ناخنوں کو بھلا کیا کرید ہے

کچھ راکھ میں نہیں ہے نہاں صرف راکھ ہے

معراج پا چکا ہے وہ آتش پرست کیا

دل کا نہیں ہے نام و نشاں صرف راکھ ہے

ناصر گرے ابھی ہیں یقیں کے شہابیے

دوشِ ہوا پہ رقص کناں صرف راکھ ہے