مدینے کی طرف جاتا سفینہ یاد آتا ہے

مرے اشکوں کی صورت میں پگھلتا ہےمرا دل بھی

تصور میں مجھے جس پل مدینہ یاد آتا ہے

میں سونگھوں جب کوئی خوشبو وہ عنبر ہو کہ چنبیلی

مجھے اپنے نبی کا ہی پسینہ یاد آتا ہے

مری نظریں کبھی دیکھیں کہیں کوئی حسیں منظر

مجھے ختمِ نبوت کا نگینہ یاد آتا ہے

احد، خیبر مرے آقا کی سیرت کے ہی پہلو ہیں

ملا پتھروں سے خندق میں وہ سینہ یاد آتا ہے

جو پتھر کھا کے طائف میں ہدایت کی دعا مانگے

صفا قلبی کا ایسا آبگینہ یاد آتا ہے

میں رسموں میں گری امت کو دیکھوں جب تڑپتا ہوں

مجھے رہ رہ کے آقا کا قرینہ یاد آتا ہے