خوبصورت ہیں در و دیوار بھی

اُن کے قدموں میں ٹھکانہ مل گیا

’’بے گھری کے مٹ گئے آثار بھی‘‘

ارضِ بطحا ، مرحبا ، صد مرحبا !

پُھول بن جاتے ہیں اس جا خار بھی

ارضِ بطحا ، ہے سبھی جنت نشاں

رہگزر بھی ، کُوچہ و بازار بھی

شاہِ والا کے مراتب دیکھ کر

عقل کی گرنے لگی دستار بھی

جس جگہ جا کر نبی بیٹھے رہے

اب تلک مہکی ہوئی ہے غار بھی

نامِ نامی آپ کا ، میرے لئے

ہے سفینہ ، بادباں ، پتوار بھی

میرے آقا کے جو ہیں سچے غُلام

با وفا ہیں ، صاحبِ کردار بھی

صاحبانِ سیف بھی ہیں ساتھ ساتھ

ہے بلا کی جرأتِ للکار بھی

اِس جلیلِ بے نوا کے ، آپ ہیں

چارہ گر بھی،مُونس و غمخوار بھی