مقامِ صدیق اکبر رضی اللہ عنہ

by admin

مرتبہ صدیقِ اکبرؓ کو دیا اللہ نے

انبیاء کے بعد اِک سب سے بڑے انسان کا

کیا ٹھکانہ عظمتِ صدیقِ اکبرؓ کا عزیزؔ

جس نے چکَّھا سب سے پہلے ذائقہ ایمان کا

مرتبے میں انبیاء کے بعد ہی صدیقؓ ہیں

التزام ایسا ہی کچھ رکھا گیا قرآن میں٭

فضلِ رَبّ دیکھیں کہ کچھ آیات بھی نازل ہوئیں

میرے آقا کے مُحِبّ صدیقؓ کی بھی شان میں

میرے پتھر کے برابر تم بھی اِک پتھر رکھو

بہرِ تعمیرِ قُباء جس کو ملا حکمِ نبی

یہ شرف صدیق اکبرؓ نے ہی پایا بالیقیں

وقتِ آخر اُنؓ کو آقا نے امامت سونپ دی

٭ سورۂ نساء کی آیت ۶۵ میں انعام پانے والوں میں پہلے انبیاء پھر صدیقین کا ذکر ہے۔
٭روئے زمین پر پہلی مسجد قباء کی تعمیر ہوئی تو حضور نے پہلا پتھر رکھا اور دوسرا

پتھر رکھنے کا حکم سیدنا صدیق اکبرؓ کو دیا۔ اس مسجد کی اساس پہلے ہی تقویٰ پر ہے۔

اللہ کا فرمان۔ سورۂ توبہ آیت ۱۰۸۔نعتیہ مشاعرے میں شرکت کرنی تھی۔ جمادی الثانی کی

مناسبت سے کچھ شعر منقبت کے کہنے کے لیے عصر کے بعد دعا کی تو تین قطعات ہو گئے۔

مغرب کے بعد مشاعرے میں پڑھ بھی دیئے۔ الحمد للہ علیٰ احسانہٖ۔

عزیزؔ احسن اتوار : ۸ ؍ جمادی الثانی ۱۴۲۸ھ ۲۴ ؍ جون ۲۰۰۷ء(اسلام باد)

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

الاماں قہر ہے اے غوث وہ تیکھا تیرا

مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھنٹ جاتی ہیں اٹھتا ہے تو تیغا تیرا عکس کا دیکھ کے منہ اور بپھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دو پر کالے ہاتھ پڑتا […]

by admin

بندہ قادر کا بھی، قادر بھی ہے عبد القادر

سرِ باطن بھی ہے ظاہر بھی ہے عبد القادر مفتیِ شرع بھی ہے قاضیِ ملت بھی ہے علمِ اسرار سے ماہر بھی ہے عبد القادر منبع فیض بھی ہے مجمع افضال بھی ہے مہرِ عرفاں کا منور بھی ہے عبد القادر قطب ابدال بھی ہے محور ارشاد بھی ہے مرکزِ دائرہ سرّ بھی ہے عبد […]

by admin