رات کو چاندنی کی عبارت ملے​

ہر قدم پر چمکتی بشارت ملے​

کون ہے؟ کون ہے؟ وہ تمہارے سوا​

مصطفےٰ ، مصطفےٰ ، مصطفےٰ ، مصطفےٰ​
​

جس نے پیغامِ مہر و مروت دیا​

درسِ انصاف و دینِ اخوت دیا​

آدمی کو نمِ آدمیت دیا​

کون ہے؟ کون ہے؟ وہ تمہارے سوا​

مصطفےٰ ، مصطفےٰ ، مصطفےٰ ، مصطفےٰ​
​

جس نے تاریکیوں میں اُجالا کیا​

بے نواوں کو توقیر والا کیا​

جس نے انسان کا بول بالا کیا​

کون ہے؟ کون ہے؟ وہ تمہارے سوا​

مصطفےٰ ، مصطفےٰ ، مصطفےٰ ، مصطفےٰ​
​

کون ہر دور کا فیصلہ دے گیا​

مدعا دے گیا ، حوصلہ دے گیا​

ہر زمانے کو روشن دِیا دے گیا​

کون ہے؟ کون ہے؟ وہ تمہارے سوا​

مصطفےٰ ، مصطفےٰ ، مصطفےٰ ، مصطفےٰ​
​

کس نے لمحات میں چاندنی گھول دی​

زندگی عدل میزان پر تول دی​

بند صدیوں کی زنجیرِ دَر کھول دی​

کون ہے؟ کون ہے؟ وہ تمہارے سوا​

مصطفےٰ ، مصطفےٰ ، مصطفےٰ ، مصطفےٰ​