نظر مصطفیٰ دی لٹوندی نہ مستی مئے خار کتھے میخانے نہ ہوندے
نہ درداں دے لبھدے کدی وی خزانے محمد دے جگ تے دیوانے نہ ہوندے
نہ بلبل نہ پھل نہ چمن ہوندا کوئی بھلا اس فضا نوں کدوں خشبو لبھدی
ہلارے جے زلفاں دے کنڈل نہ لیندے کدی وی ایہ موسم سہانے نہ ہوندے
نہ عیباں دا اڈا کدی بن دا طیبہ فرشتے نہ راہ تے پراں نوں وچھاندے
نہ بت خانہ بن دا کدی خانہ کعبہ نبی دی رضا دے نشانے نہ ہوندے
خدا آکھے جگ دے گناہواں نوں ویکھاں کہ محبوب تیرے گداواں نوں ویکھاں
زمانے تے اج نوں میں کل چا بنوندا جے محبوب تیرے دیوانے نہ ہوندے
مخالف ہوا نہ ادب نال جھکدی محبت دا دیوا کِتے وی نہ جگدا
دروداں دے لب تے ترانے نہ ہوندے جے اعجازؔ تیرے یرانے نہ ہوندے