نہ رحمت دی نظر تکدوں اسیں سرکار کیہ کر دے

شرم وچ ڈُب کے مر جاندے اسیں بدکار کیہ کر دے

کرم ساتھے بڑا ہویا کہ تیرے درد دل منگیا

تڑپھ کے دل چاــ ’’ہاں‘‘ کیتی اسیں انکار کیہ کر دے

کیویں نہ ماردے چھالاں محبت دے سمندر وچ

تسیں جو پار وسدے او ، اسیں اروار کیہ کر دے

تری جے یاد نہ آ کے دلاسے پیار دے دیندی

مِرے تے ساہ ای پی جاندے غماں دے بھار کیہ کر دے

ترے اکّو اشارے تے ہزاراں سِر جو وارن چا

ترے محبوب مستانے بھلا گھر بار کیہ کر دے

تری اودر وساندی نہ انہاندی جھوک محبوبا

مِرے بیمار نیناں دے نمانے غار کیہ کر دے

جھلیندی جھال نئیں اج وی ترے اعجازؔ جلوے دی

ترے دربار وچ ہوندے ترا دیدار کیہ کر دے