وراء گماں سے ہے عظمت حسینِ اعظم کی

by admin

کہ روحِ دیں ہے مودّت حسین اعظم کی

عطا ہوئی ہیں سبھی نعمتیں بنامِ حسین

نفَس نفَس ہے عنایت حسینِ اعظم کی

نبی کے دین کو اپنا لہو بھی نذر کیا

وفا شعار ہے عترت حسینِ اعظم کی

فنا کے ہاتھ کبھی اسکو چھو نہ پائیں گے

ہے لازوال حکومت حسینِ اعظم کی

کلی کے حسن میں پرتو حسین اعظم کا

گلوں کے لب پہ ہے مدحت حسینِ اعظم کی

جنودِ شام کا اک بھی جواں نہ بچ پاتا

جوہوتی جنگ ہی غایت حسینِ اعظم کی

مزاج سیل غم و رنج کا بدل ڈالا

ہے کوہ قاف سی ہمت حسین اعظم کی

دل و نگاہ نے کی ہے بصد خلوص و وفا

ازل کے روز سے بیعت، حسین ِاعظم کی

جو دین پاک کے چہرے کا بن گئی غازہ

وہ بالیقیں ہے شہادت حسین اعظم کی

صدف جو آلِ پیمبر کا غم ہے سینے میں

ہے مجھ پہ خاص عنایت، حسینِ اعظم کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

الاماں قہر ہے اے غوث وہ تیکھا تیرا

مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھنٹ جاتی ہیں اٹھتا ہے تو تیغا تیرا عکس کا دیکھ کے منہ اور بپھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دو پر کالے ہاتھ پڑتا […]

by admin

بندہ قادر کا بھی، قادر بھی ہے عبد القادر

سرِ باطن بھی ہے ظاہر بھی ہے عبد القادر مفتیِ شرع بھی ہے قاضیِ ملت بھی ہے علمِ اسرار سے ماہر بھی ہے عبد القادر منبع فیض بھی ہے مجمع افضال بھی ہے مہرِ عرفاں کا منور بھی ہے عبد القادر قطب ابدال بھی ہے محور ارشاد بھی ہے مرکزِ دائرہ سرّ بھی ہے عبد […]

by admin