روتا رہوں گا مہر بہ لب ، جالیوں کے پاس

لکھوں کا جب قصیدۂ حُسنِ گُلِ مراد

سوچوں گا کچھ جدید لقب ، جالیوں کے پاس

مل جائے گی سُخن کو سند اعتبار کی

نعتِ نبی کہوں گا میں جب جالیوں کے پاس

اللہ دعا قبول کرے ، اہلِ حُب و شوق

پہنچیں ترے حضور میں سب ، جالیوں کے پاس

دن بھر وہ جالیاں ہوں نگاہوں کے سامنے

گزرے درِ حبیب پہ شب جالیوں کے پاس

شاہانِ ذی وقار سراپا سوال ہیں

بُھولے ہیں اپنے نام و نسب جالیوں کے پاس

صد مرحبا! تصورِ طیبہ کی یہ بہار

اب اپنے غم کدے میں ہوں ، اب جالیوں کے پاس

یہ بارگاہِ سیدِ عالم ہے ، احتیاط

اے جذبِ شوق ، حدِ ادب ، جالیوں کے پاس