دل کی دنیا میں ہوگی عیاں روشنی اپنے بگڑے مقدر سنور جائیں گے

پڑھ کے میں سورہ نور کرنے لگی ذکرِ روئے منور سرِ شام جب

ظلمتیں چیخ اٹھیں پیٹ کر اپنا سر، ہائے اب ہم کہاں اور کدھر جائیں گے

اِک طرف ماہ وانجم کی جلوہ گری، اک طرف طلعتِ روئے نورِ خدا

چاند کے حسنِ ظاہر کے شیداہو، جاؤ جاؤ ادھر ہم اِدھر جائیں گے

ذرے ذرے سے ہوگی عیاں روشنی، مدتوں تک مہکتی رہے گے گلی

یا حبیبِ خدا نورِ ربُ العلا، آپ جس راستے سے گزر جائیں گے

روزِ محشر پریشانیوں میں سبھی مارے مارے پھریں گے اِدھر سے اُدھر

پا ہی جائیں گے تسکینِ قلب وجگر جس گھڑی پیشِ خیرالبشر جائیں گے

ہم نے مانا کہ حاصل نہیں ہیں ہمیں سم وزر دولتِ چند روزہ مگر

اُن کے دربار میں ہم لٹاتے ہوئے راہ بھر آنسوؤں کے گُہر جائیں گے

یادری کی مقدر نے مخفیاگر، سوئے طیبہ ہو اگر ہمارا سفر

روضہ پاک پر دیں گے ہم حاضری چھوڑ کر پھر نہ ہم اُن کا دَر جائیں گے