بَن گییاں نے موجاں اَوگن ہار دِیاں

شام سویرے بیٹھی سُن دِی رہندی آں

مِٹھیاں مِٹھیاں گلاں اُوس منٹھار دِیاں

دَم دَم نَال مَیں ذکر سوہنے دا کرنی آں

میرے اندر خوشیاں ٹھاٹھاں مار دِیاں

میرے سوہنے ربّ نے فیر وکھایا اے

بڑیاں اُچیاں شاناں ایس دربار دیاں

کھوٹے سکّے ایتھے آ کے چل دے نے

کون کرے گا رِیساں ایس بازار دیاں

چِکڑ بھریاں ماڑیاں نوں گل لا لیندے

ایہہ صفتاں نے اُمت دے غمخوار دیاں

سارے جگ توں سوہنا ماہی آ یا اے

دُھماں پییاں اللہ دے شاہکار دیاں

بخشش سب دی ناز خدا نے کرنی اے

عرضاں من کے نبیاں دے سردار دِیاں