اللہ رے یہ رتبۂ اعلیٰ حسین کا

by admin

ہے ساری کائنات میں چرچا حسین کا

جن کو زبان پاک چسائیں رسول پاک

یہ مرتبہ ہے میرے حسن کا حسین کا

ہے ذرہ ذرہ غیرتِ خورشید و ماہتاب

بڑھ کر ہے آسمان سے کوچہ حسین کا

خوشبوئیں پھوٹنے لگیں میرے خیال سے

کاغذ پہ میں نے نام جو لکھا حسین کا

تاریکیوں سے کہہ دو ادھر کا نہ رخ کریں

حاصل ہے میرے دل کو اجالا حسین کا

آساں ہے اس کے واسطے ہستی کا ہر سفر

مل جائے جس کو نقشِ کفِ پا حسین کا

امن و اماں کا نظم ہے قائم حسین سے

احسان کیسے بھولے گی دنیا حسین کا

سیلابِ رنج اس سے بہت دور دور تھا

وہ شخص دے رہا تھا حوالہ حسین کا

ممکن نہیں کہ خالی رہے دامنِ مراد

مانگو مرے رسول سے صدقہ حسین کا

کل دیکھتا رہا میں فرشتوں کے قافلے

کل میرے گھر میں ذکر چھڑا تھا حسین کا

دم توڑ دے گی عہد رواں کی یزیدیت

نعرہ یونہی لگاتے رہو یا حسین کا

اکبر کے حرب و ضرب سے کانپے نہ کیوں ستم

پوتا علی کا ، اور ہے بیٹا حسین کا

اصغر کو لائے جس گھڑی قربان گاہ میں

رحمت نے بڑھ کے صدقہ اتارا حسین کا

دین مبیں کے واسطے سب کچھ لٹا دیا

اے آسمان ! حوصلہ دیکھا حسین کا

حیران ہیں ملائکہ ، خوش ہے خدائے پاک

دشت بلا میں دیکھ کے سجدہ حسین کا

جن کو ہے ان سے عشق جو ان کے غلام ہیں

وہ چھیڑتے رہیں گے ترانہ حسین کا

روز جزا پکارے گی فردوس اے مجیبؔ

آ جائے جو ہے چاہنے والا حسین کا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

الاماں قہر ہے اے غوث وہ تیکھا تیرا

مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھنٹ جاتی ہیں اٹھتا ہے تو تیغا تیرا عکس کا دیکھ کے منہ اور بپھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دو پر کالے ہاتھ پڑتا […]

by admin

بندہ قادر کا بھی، قادر بھی ہے عبد القادر

سرِ باطن بھی ہے ظاہر بھی ہے عبد القادر مفتیِ شرع بھی ہے قاضیِ ملت بھی ہے علمِ اسرار سے ماہر بھی ہے عبد القادر منبع فیض بھی ہے مجمع افضال بھی ہے مہرِ عرفاں کا منور بھی ہے عبد القادر قطب ابدال بھی ہے محور ارشاد بھی ہے مرکزِ دائرہ سرّ بھی ہے عبد […]

by admin