تم نے حسین کام وہ کر کے دکھا دیا

by admin

یعنی سناں کی نوک پہ قرآں سنا دیا

حقانیت کو بخش کے بافیض زندگی

نام یزید دہر سے یکسر مٹا دیا

مایوسیوں کے شمر کو دے کر شکست فاش

تم نے تو دل میں شہر تمنا بسا دیا

روئیں غم حسین میں آنکھیں کچھ اس قدر

دنیائے دل کو ایک سمندر بنا دیا

دیتا تھا صاف دھوکا نگاہوں کو یا حسین

باطل کے رخ سے آپ نے پردہ ہٹا دیا

سر دے دیا حسین نے لیکن یہ کر گئے

ظلم و ستم کا نام جہاں سے مٹا دیا

رحم و کرم کی خصلت بے داغ نے تری

انسانیت کے قد کو فلک سے بڑھا دیا

شبیر کے نقوش قدم نے نیا خطاب

صحرائے کربلا کو ’چمن زار‘ کا دیا

اے کربلا کے سب سے حسیں پھول اے حسین

تیری اداؤں نے ہمیں جینا سکھا دیا

شبیر تیرے عزم جہاں گیر کو سلام

تونے سناں کی نوک پہ ہنس کر دکھا دیا

کچھ بھی نہ تھا مجیبؔ تخیل مرا ، اسے

شبیر کے خیال نے سونا بنا دیا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

الاماں قہر ہے اے غوث وہ تیکھا تیرا

مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھنٹ جاتی ہیں اٹھتا ہے تو تیغا تیرا عکس کا دیکھ کے منہ اور بپھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دو پر کالے ہاتھ پڑتا […]

by admin

بندہ قادر کا بھی، قادر بھی ہے عبد القادر

سرِ باطن بھی ہے ظاہر بھی ہے عبد القادر مفتیِ شرع بھی ہے قاضیِ ملت بھی ہے علمِ اسرار سے ماہر بھی ہے عبد القادر منبع فیض بھی ہے مجمع افضال بھی ہے مہرِ عرفاں کا منور بھی ہے عبد القادر قطب ابدال بھی ہے محور ارشاد بھی ہے مرکزِ دائرہ سرّ بھی ہے عبد […]

by admin