جو زندگی میں کہیں سخت موڑ آتے ہیں

by admin

مرے حسین مجھے راستہ دکھاتے ہیں

غموں کی دھوپ سے بچنے کے واسطے شبیر

تمہاری یاد کو ہم سائباں بناتے ہیں

وہ جن کا سارے زمانے میں بول بالا ہے

مرے حسین کے در سے ہی فیض پاتے ہیں

سنوارتے ہیں وہ دنیا بھی اور عقبیٰ بھی

درِ حسین پہ جو اپنا سر جھکاتے ہیں

کبھی ستا نہیں سکتا انہیں غمِ دارین

غمِ حسین کلیجے سے جو لگاتے ہیں

علی کے لعل ہیں وہ فاطمہ کے نورِ نظر

فرشتے جن کی بزرگی کے گیت گاتے ہیں

حسینِ پاک کی نسبت کا یہ اثر دیکھو

بلا و رنج سدا ہم سے مات کھاتے ہیں

مرے خیال کے سارے دریچے سب در و بام

حسین تیرے تصور سے جگمگاتے ہیں

مجیبؔ ان کی فضیلت بیاں کروں کیسے

مرے رسول جنہیں دوش پر بٹھاتے ہیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

الاماں قہر ہے اے غوث وہ تیکھا تیرا

مر کے بھی چین سے سوتا نہیں مارا تیرا بادلوں سے کہیں رکتی ہے کڑکتی بجلی ڈھالیں چھنٹ جاتی ہیں اٹھتا ہے تو تیغا تیرا عکس کا دیکھ کے منہ اور بپھر جاتا ہے چار آئینہ کے بل کا نہیں نیزا تیرا کوہ سر مکھ ہو تو اک وار میں دو پر کالے ہاتھ پڑتا […]

by admin

بندہ قادر کا بھی، قادر بھی ہے عبد القادر

سرِ باطن بھی ہے ظاہر بھی ہے عبد القادر مفتیِ شرع بھی ہے قاضیِ ملت بھی ہے علمِ اسرار سے ماہر بھی ہے عبد القادر منبع فیض بھی ہے مجمع افضال بھی ہے مہرِ عرفاں کا منور بھی ہے عبد القادر قطب ابدال بھی ہے محور ارشاد بھی ہے مرکزِ دائرہ سرّ بھی ہے عبد […]

by admin