میں دور ہو کے بھی قربت کا لطف لیتا ہوں

مدینہ پاک تصور میں جب سے بیٹھ گیا

میں وقفے وقفے سے جنت کا لطف لیتا ہوں

مرے مزاج کی رونق ہے یادِ شہرِ نبی

طبیعتًا میں نفاست کا لطف لیتا ہوں

غلامِ شاہ سمجھ کر کوئی حقیر کہے

قسم خدا کی حقارت کا لطف لیتا ہوں

وہاں پہ دیکھتا رہتا ہوں صرف روضے کو

میں ایسے وقتِ غنیمت کا لطف لیتا ہوں

غلامئِ شہِ کونین کے وسیلے سے

میں راستوں کی اطاعت کا لطف لیتا ہوں

مچل سا جاتا ہے ذکرِ دیارِ اطہر سے

میں دل کی بس اسی عادت کا لطف لیتا ہوں

تبسم اپنے نبی کی ثناء کے صدقے سے

جہاں بھی جاتا ہوں عزت کا لطف لیتا ہوں