سلام آپ پہ شاہا ہمارا ایماں ہے

درود آپ پہ آقا صراطِ جنّت ہے

سلام آپ پہ شاہا کمالِ ایقاں ہے

درود آپ پہ آقا شعورِ ہستی ہے

سلام آپ پہ شاہا جمالِ عرفاں ہے

درود آپ پہ آقا وظیفہ آدم کا

سلام آپ پہ شاہا کہ وردِ رضواں ہے

درود آپ پہ آقا ہے مغفرت کا سبب

سلام آپ پہ شاہا نجات ساماں ہے

درود آپ پہ آقا دل و دماغ کا نور

سلام آپ پہ شاہا نشاطِ روحاں ہے

درود آپ پہ آقا مری نمازوں میں

سلام آپ پہ آقا بہ حرفِ قرآں ہے

درود آپ پہ آقا ثنائے اکمل ہے

سلام آپ پہ آقا بہ حمدِ یزداں ہے

درود آپ پہ آقا کہ جیسے رب چاہے

سلام آپ پہ شاہا قبولِ یزداں ہے

درود آپ پہ آقا بہ وقتِ رحلت ہو

سلام آپ پہ شاہا ضمانِ ایماں ہے

درود آپ پہ آقا فدائے روئے تو ام

سلام آپ پہ شاہا یہ جان قرباں ہے

درود آپ پہ آقا یہ حسنِ قسمت ہے

سلام آپ پہ شاہا، ظفر ثنا خواں ہے