ہِن عشق دی مستی نال بھرے سرکار کٹورے نیناں دے

ماہی دے سوہنے نیناں نیں سانوں تے ہوش بھلا چھڈیا

دل لُٹ کے لے گئے بہوں سوہنے من موہنے ڈورے نیناں دے

اک پل وچ چوداں طبق تے کیہ تک لین خدا دے جلوے وی

تورے نین مہاری بن دے جے سوہنیا مورے نیناں دے

لو جام غلامو کوثر دے سن کے فرمان اساں کہنا

ہاں ہاں اے کوثر دے ساقی ہاں عاشق تورے نیناں دے

ہنجواں وچ ڈُب ڈُب کے بھِج گئے نہ سڑدے نیں نہ لکھیندے نیں

تصویر تری نوں سکدے نیں ایہ کاغذ کورے نیناں دے

طیبہ ول سوچ ٹکا لیناں اگ سدھراں نوں میں لا لیناں

سرکار کریندن چاء پورے ایہ ویکھو اورے نیناں دے

آ کے سرکار سجانا اے اعجازؔ غلاماں دا ویہڑہ

پھر بھار غماں دے نئیں رہنے مک جانے جھورے نیناں دے