مدینے کا ہے گوشہ گوشہ مبارک

خدا کی قسم چپہ چپہ مبارک

جہاں سیّدالانبیاء جلوہ گر ہیں

ہے اُس خاک کا ذرّہ ذرّہ مبارک

ہیں طیبہ کی سب شاہراہیں مقدس

وہاں کا تو ہے رستہ رستہ مبارک

چمن زارِ طیبہ پہ جنت فدا ہے

ہے اُس باغ کا غنچہ غنچہ مبارک

وہاں نعمتِ حق جو کھائی ہے اس کا

تمہیں زائرو دانہ دانہ مبارک

مدینے کا پانی ہے اکسیرِ اعظم

ہے اُس آب کا قطرہ قطرہ مبارک

گلاب اور چمپا چنبیلی و لالہ

ہے طیبہ کا ہر بوٹہ بوٹہ مبارک

جسے آپ کا لمسِ اطہر ملا ہے

ہے اُس پیڑ کا پتہ پتہ مبارک

ثنائے حبیبِ خدا کر رہا ہوں

ہے خاکیؔ مرا لمحہ لمحہ مبارک

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

پھراٹھا ولولہ یاد مغیلان عرب

پھر اٹھا ولولہ یاد مغیلان عرب پھر کھنچا دامن دل سوئے بیابان عرب باغ فردوس کو جاتے ہیں ہزاران عرب ہائے صحرائے عرب ہائے بیابان عرب میٹھی باتیں تری دینِ عجمِ ایمان عرب نمکیں حسن ترا جان عجم شان عرب اب تو ہے گریۂ خوں گوہر دامان عرب جس میں دو لعل تھے زہرا کے […]

بھینی سہانی صبح میں ٹھنڈک جگر کی ہے

کلیاں کھلیں دلوں کی ہوا یہ کدھر کی ہے کھبتی ہوئی نظر میں ادا کس سحر کی ہے چبھتی ہوئی جگر میں صدا کس گجر کی ہے ڈالیں ہری ہری ہیں تو بالیں بھری بھری کشتِ اَمل پری ہے یہ بارش کدھر کی ہے ہم جائیں اور قدم سے لپٹ کر حرم کہے سونپا خدا […]