پاک ہوتی ہے زباں تو شاد ہو جاتا ہے دل

نامِ احمد سے مرا آباد ہو جاتا ہے دل

نقش ہو جاتا ہے میرے ذہن میں عشقِ رسول

نعت جب کہتا ہوں تو بہزاد ہو جاتا ہے دل

گنبدِ خضرا پہ جونہی پڑتی ہے پہلی نظر

اس گھڑی ہر خوف سے آزاد ہو جاتا ہے دل

مانگ کر آمد محمد مصطفٰی کی خواب میں

انتظارِ دید میں نوشاد ہو جاتا ہے دل

اشک پڑھتے ہیں درودِ پاک ان کے شہر میں

جائے پاکِ محفلِ میلاد ہو جاتا ہے دل

لحن میں پڑھتا ہوں جب میں نعت کوئی بھی عطا

چشمِ نم کے ساتھ خود ہی داد ہو جاتا ہے دل