خود سر تھے جس قدر سرِ منزل پہنچ گئے
ہم آج تک ہیں راہ میں رہبر لیے ہوئے
Author: admin
الہٰی تجھ کو گر تقصیر کی تعذیر دینی تھی
اُبھارا کس لیے دنیا میں تو نے ذوقِ عصیاں کو
اک عمر سے برباد ہیں ہم راہِ فنا میں
اک عمر اسی راہ میں برباد رہیں گے
ہم نشیں کشمکشِ عشق کا کچھ حال نہ پوچھ
کوششِ ضبط پہ بھی آہ نکل جاتی ہے پھر پلٹ کر نہیں آتی یہ سمجھ لے پیارے دل سے اک بار اگر چاہ نکل جاتی ہے
دشواریاں حیات کی کچھ بھی نہیں جلیلؔ
عزمِ بلند و ہمتِ مردانہ چاہیے
ہر گھڑی دل پہ یاس طاری ہے
ہائے کیا زندگی ہماری ہے
چمن میں ہم نے یہی بار بار دیکھا ہے
خزاں گئی ہے فصلِ بہار آئی ہے
گو تُم نہیں ہو پہلوئے عاشق میں آج کل
لیکن تمہاری یاد ہے دل میں بسی ہوئی
دوزخ مجھے منظور گناہوں کی سزا میں
اللہ نہ دکھائے مجھے لاہور کی گرمی
ہے باعثِ آزار ابھی تم کو مری یاد
وہ وقت بھی آئیگا مجھے یاد کرو گے