بند ایسے بھی نہ ذہنوں کے دریچے رکھو
کچھ نہ کچھ رابطہ باہر کی ہوا سے رکھو
Author: admin
بچے بڑے حساس ہوا کرتے ہیں ان پر
ظاہر کبھی غربت کے مفاہیم نہ کرنا
ملال یہ ہے کہ ہم آبرو سے جی نہ سکے
خیال یہ ہے کہ عزت سے مر کے دیکھتے ہیں
میں ہار گیا بے لڑے ، جب میرے مقابل
میداں میں مری گود کے پالے نکل آئے
زلفوں میں جن کی میں نے سجائے لہو کے پھول
یارو انہیں کے ہاتھ سے پتھر لگے مجھے
آوارۂ طوفاں کو سنورنا نہیں آتا
ڈوبی ہوئی کشتی کو ابھرنا نہیں آتا ہر گام پہ ہوتا ہے گماں حدِ عدم کا شاید مجھے دنیا سے گزرنا نہیں آتا
اندھیری رات میں تاروں کے جھرمٹ جب چمکتے ہیں
ہزاروں زرنگار آنچل تصور میں جھلکتے ہیں
ربطِ باہم سے دل آویز ہیں اجزائے بہار
ورنہ یہ گل کدہ بیگانۂ رعنائی ہو
دل ہوا چاک تو آئی یہ جگر سے آواز
ترکشِ ناز میں کیا اور کوئی تیر نہیں
زلف و جبیں کی کشمکش اہلِ چمن سے کہہ گئی
صبحِ بہار کے لیے شرطِ شب دراز ہے