’’باعطا تم ، شاہ تم ، مختار تم‘‘ مالکِ کوثر شہِ ابرار تم بے عمل ، بے آسرا سرکار ہم ’’بے نوا ہم ، زار ہم ، ناچار ہم‘‘

تیری اُلفت کی چبھن میں ہے ملی غم کی دوا اپنا غم دے دے مرے سرورِ خوباں ہم کو ’’اے ملیحِ عَرَبی کر دے نمک داں ہم کو‘‘

ظلمتِ مرقد میں روشن ہوں گے بُقعے نوٗر کے زیرِ لب جاری رہے مدحت رسول اللہ کی ’’جلوہ فرما ہو گی جب طلعت رسول اللہ کی‘‘

بروزِ حشر رنج و غم کے طوفاں سے نہ گھبرانا ہے زیبا تاج شاہِ دیں کو اُمّت کی شفاعت کا ’’کبھی تو ہاتھ آ جائے گا دامن اُن کی رحمت کا‘‘

’’ ہے یہ اُمید رضاؔ کو تری رحمت سے شہا‘‘ ہاں ! تری چشمِ عنایت و شفاعت سے شہا نہ ہو حیران سرِ حشر وہ شیدا ہو کر ’’ کیوں ہو زندانیِ دوزخ ترا بندا ہو کر ‘‘

اِس خاک کی اُس خاک میں ہو کاش سمائی جس خاک میں مدفوں شہِ والا ہے ہمارا ’’آباد رضاؔ جس پہ مدینہ ہے ہمارا‘‘