پلا شراب کہ فصلِ بہار ہے ساقی
جنوں کے دور کا کیا اعتبار ہے ساقی یہ لال لال سی شے جو بھری ہے مینا میں علاجِ گردشِ لیل و نہار ہے ساقی
Tag: بہار
چمن والوں سے مجھ صحرا نشیں کی بودو باش اچھی
بہار آ کر چلی جاتی ہے ویرانی نہیں جاتی
کیا شامِ آرزو سے مبارکؔ کریں امید
ہم کو بہارِ صبحِ تمنا سے کیا ملا
آج مرجھا گیا ہے اپنا دل
ہم خدائے بہار ہوتے تھے
چمن میں ہم نے یہی بار بار دیکھا ہے
خزاں گئی ہے فصلِ بہار آئی ہے
ربطِ باہم سے دل آویز ہیں اجزائے بہار
ورنہ یہ گل کدہ بیگانۂ رعنائی ہو
زلف و جبیں کی کشمکش اہلِ چمن سے کہہ گئی
صبحِ بہار کے لیے شرطِ شب دراز ہے
چمن اداس ہے گُل سرنگوں صبا ساکن
تمہارے ساتھ وہ ہنگامۂ بہار گیا
فردوس آب و گل کے نظاروں کا شوق ہے
چشموں کا رنگ و بو کا بہاروں کا شوق ہے انسانیت کے رِستے ہوئے زخم چھوڑ کر دانشوروں کو چاند ستاروں کا شوق ہے ہستی کی تلخیاں جو گوارا نہ ہو سکیں زندوں سے ہے نفور ، مزاروں کا شوق ہے
گلوں میں رنگ بھرے باد نوبہار چلے
چلے بھی آؤ کہ گلشن کا کاروبار چلے