دل بضد تھا کہ مجھے غم سے پِگھل جانے دے
پھر تری یاد نے سمجھایا کہ چل جانے دے
Tag: دل
دل مرا ، جاں مری ، اُن کے نام
آخری سانس بھی اُن کے نام
جب دل کی گواہی کا مقام آ ہی گیا تب
کس راہ پہ چلنا ہے یہ سوچا نہیں کرتے
یہ کیا دستِ اجل کو کام سونپا ہے مشیت نے
چمن سے توڑنا پھول اور ویرانے میں رکھ دینا تمام اسرارِ الفت کا بیاں بھی جرم ہے حیدرؔ کچھ اپنے دل میں رکھ لینا کچھ افسانے میں رکھ دینا
دل چاک ہے اور تار سلامت ہیں قبا کے
یہ رسم حسن میرے گریباں سے چلی ہے
میں محبت ہوں، مجھے آتا ہے نفرت کا علاج
تم ہر اک شخص کے سینے میں مرا دل رکھ دو
گزرا جو پاس سے تو کلی دل کی کِھل گئی
میرے لیے تو بادِ صبا ہو گیا وہ شخص
یہ جان کر کہ محبت نہیں مروّت ہے
ہم التفاتِ دلِ دوستاں سے دور رہے
تیری صورت سے عیاں ہو کر رہا
ہم چھپاتے ہی رہے دل کا ملال
پہلو میں جس کے دل نہیں دردِ جگر نہیں
وہ آدمی کا عکس ہے اصل بشر نہیں