معلیٰ
نظر نظر تری شبنم، فغاں فغاں تری یاد سحر طلوع ہوئی ہے اس اہتمام کے ساتھ دعا دعا تری خوشبو، اذاں اذاں تیری یاد صدا و حرف کے خِطّوں میں سلطنت تیری زمیں زمیں ترے نغمے، زماں زماں تری یاد اَزل اَبَد کی لکیروں کی حد سے تُو باہر جہاں جہاں کوئی سوچے، وہاں وہاں […]
الف اکائی، ایک اکلوتا، اصل اکیلا اللہ اَن داتا، اُمید گھروندا، آس دریچہ اللہ اجمل، افضل، اکمل، اقدس، احسن، ارحم، اکرم افسر، اظہر، اکبر، اعظم، ارفع، اعلیٰ اللہ آن اوقات اشاعت اس کی، آٹھ پہر اشلوک ارض، آکاش، اذکار اُسی کے، انفس غوغا اللہ آل اولاد، احزاب احرار، اسقام، اعقاب سے اطہر اِستقلال، اجلال، اُجلا، […]
اے تُو کہ تیری نعت پہ نازاں قلم دوات مجھ پر سَدا رہی ہے تری چشمِ اِلتفات یہ نعت خواں ہو حشر میں بھی تیرے ساتھ ساتھ حیرت میں ہوں مَلک مرے اوجِ نصیب پر محشر کے لوگ رشک کریں مجھ غریب پر
آقا کی شب کی نیند پہ قربان مغربین صدقے حرِا کے سوچتے لمحوں پہ کعبتین حضرت پہ میں نثار، فدا میرے والدین سو بار مر کے پھر جیوں دھرتی کی دھول پر مجھ جیسی لاکھ جانیں تصدّق رسول پر
اس کا کلام رَبِّ صَمَدْ کا کلام ہے بعد از خدائے پاک اسی کو دوام ہے روح الامین اس کے نَفَس کا غلام ہے وہ ذاتِ معتبر ہے تقدّس کی آبرو ہشیار ہونٹ نام نہ لے اس کا بے وضو
صدیوں کی وسعتوں پہ محیط اُس کا ایک پَل دنیا کی کار گاہ میں اُس کا ہر اِک عَمل منطق کی ، نفسیات کی ، سو مشکلوں کا حَل اس کا وجود نقطۂ کُن کا جواز ہے وہ زندگی کے دائرے کا ارتکاز ہے
اِس کے شفیق ہاتھ میں خنکی ہے چھاؤں کی وہ درگۂ قبولیت ہے التجاؤں کی ہے اُس کی گفتگو میں دوا ابتلاؤں کی توبہ کا دَر کُھلا شۂ والا صفات سے رحمت کا لفظ معتبر ہے اُسکی ذات سے
بعثت ہے جس کی باعثِ تفریقِ نیک و بد ظالم پہ اس کا غیظ ہے ، مظلوم کی مدد کھینچا ہے جس کے نور نے ظلمت پہ خطِ رد بدر و اُحد کے نیزے گواہی اسی کی دیں طائف کے سنگریزے گواہی اسی کی دیں
وہ خوب شکل ، خوب سلیقہ وہ خو بُرو وہ خیر خواہ ، خیر سَراپا وہ خیر جُو وہ خوش بیاں زبان ، وہ خوش فکر گفتگو سارے جہاں کے حُسن بہم اس کی ذات میں جُود و عطا و عفو و کرم اس کی ذات میں
وہ اپنی نوعیت کا زمانے میں ہے اَحَدْ خالق نے ایسے فن سے تراشے ہیں خال و خَدْ تصویر کی ہے حَد نہ مصوِّر کی کوئی حَدْ رو پوش کائنات کے چاند اُس کے سامنے یوسف کا مہرِ حُسن ہے ماند اُس کے سامنے
