غرورِ حسن کی صورت مری انا کی طرح
وہ بے نیاز ہے مجھ سے مرے خدا کی طرح
Tag: خدا
مکافاتِ عمل خود راستہ تجویز کرتی ہے
خدا قوموں پہ اپنا فیصلہ جاری نہیں کرتا
اس عہد میں کیا رکھا تھا جس پہ بسر ہوتی
کیا ہوتا جو ورثہ میں ملتا نہ خدا مجھ کو
اے سوزِ ناتمام خدا کے لیے بھڑک
بجلی چمک رہی ہے گلستاں سے دور دور
یہ صنم تو صنم کدوں کے ہوئے
ڈھونڈ لو اب نیا خدا کوئی
کہا جب ان سے کسی نے کہ مر گیا بیخودؔ
ملا جواب ہمیشہ رہے خدا کا نام
ایسے کو تو خدا کی قسم چھوڑنا ہے کفر
تجھ سا حسیں ہو، اور نہ دل بے قرار ہو
خدا قبول کرے بد دعائے عشق کہ میں
اگر تمہاری نہیں تو کسی کی بھی نہ رہوں
خدا کرے کہ مجھے وقت چھین لے اور تم
ترس ہی جاؤ مری شکل دیکھنے کیلئے
میں آسمان پہ واپس نہ لوٹ آؤں ؟ خدا
زمین زادے مری بات ہی نہیں سنتے