دل مرا ، جاں مری ، اُن کے نام
آخری سانس بھی اُن کے نام
Tag: نام
یہ اور بات ہے اب یاد تک نہیں آتا
کسی کے نام سے آرائشِ بیاں تھی کبھی
دار و رسن کا نام بھی آتا نہ تھا جنہیں
وہ حسنِ اتفاق سے منصور ہو گئے
اس عہد کے لوگوں میں مرا نام نہیں ہے
صد شکر کہ مجھ پر کوئی الزام نہیں ہے
اُس نے پوچھا کہ کوئی آخری خواہش آزر
میں نے اک نام لکھا اور قلم توڑ دیا
کہا جب ان سے کسی نے کہ مر گیا بیخودؔ
ملا جواب ہمیشہ رہے خدا کا نام
اب وہ بھی یہ کہتا ہے کہ تُو کون ہے کیا ہے
جو شخص مرے نام سے مشہور ہوا ہے
دل بھی اب ٹھہر گیا درد بھی خاموش سا ہے
پھر بھی اک ہوک سی اُٹھے جو ترا نام سُنوں
فقط تہجی کے عام حرفوں پہ مشتمل تھا
تمہارے لکھنے سے معتبر نام ہوگیا ہے