کتنے چہرے ہیں مرے گرد سوالوں کی طرح
کس کو اپناؤں ، کسے راہ کا پتھر جانوں
Tag: پتھر
ہو گیا اس بات پر سب منصفوں میں اتفاق
میں لگا پتھر کو پہلے ، پھر مجھے پتھر لگا
پتھروں کے سوداگر آئینوں سے لڑتے ہیں
وقت کی صلیبوں پر خوں ہوا ہزاروں کا
نرم زمیں اور پانی کے محتاج نہیں ہیں ہم
ہم تو وہ کونپل ہیں جو پتھر سے نکلے ہیں
راس اب کے ہمیں شہرِ ستمگر نہیں آیا
یارو کسی جانب سے بھی پتھر نہیں آیا
زلفوں میں جن کی میں نے سجائے لہو کے پھول
یارو انہیں کے ہاتھ سے پتھر لگے مجھے
اہلِ جنوں نے ریت گلا کر جب شیشہ تیار کیا
اہلِ خرد سے کچھ نہ بنا ، تو پتھر لے کر دوڑ پڑے
دنیا سے کیا امید کہ ڈھونڈے گی کل ہمیں
احباب تو مزار کا پتھر بدل گئے
آپ نے ہاتھ کیا چھڑایا ہے
جسم پتھر سا ہو گیا میرا
کیوں تمہیں کہتے نہیں جاؤ مناؤ بھی اسے
تم تو پتھر تھے تمہارے دوست بھی ویسے ہی ہیں