ہوائے تند غبارِ سحر کو چاٹ گئی
فصیلِ شب پہ چمکتا رہا ، لکھا میرا
Tag: شب
یہ صبح کی آغوش میں کھلتا ہوا منظر
اک سلسلۂ شب کی گرانی سے ملا ہے
زلف و جبیں کی کشمکش اہلِ چمن سے کہہ گئی
صبحِ بہار کے لیے شرطِ شب دراز ہے
دُزدانِ نِیم شب نے بھی حِیلے بہُت کیے
لیکن کِسی کو خـــــواب چُرانے نہیں دِیا
یہ محفل ختم ہے اب لو خدا کا نام اے یارو
یہ ہے پیرِ مغاں کا آخری پیغام اے یارو نہ یہ شام و سحر ہو گی ، نہ باقی روز و شب ہوں گے کہ پیچھے چھوڑ دیں گے گردشِ ایام اے یارو
ہے ابھی دیر ، ستاروں کے جلاؤ نہ چراغ
شب ابھی آئی نہیں ، شام ابھی باقی ہے
پھر ذکرِ رونقِ شبِ ماہتاب آ ہی گیا
سامانِ وحشتِ دلِ بیتاب آ ہی گیا
روز اک چاند مرا قتل ہوا جاتا ہے
اب کسی شب کی حمایت نہیں کی جائے گی