ہر کہ می بینی بقیدِ زندگی دیوانہ است سانسوں کی زنجیر سے بندھا ہونا ہوشمند ہونے کی دلیل نہیں ہے جسے بھی تُو زندگی کی قید میں (زندہ) دیکھتا ہے سمجھو کہ وہ دیوانہ ہے کہ قید میں اور زنجیر سے بندھا ہونا دیوانے کی نشانیاں ہیں، ہوشمند کی نہیں

مقیمِ عالمِ یارند ہر کجا ہستند (اِس دنیا سے) چلے جانے والے کہ وہ ما و من کی تشویش (دنیاوی جھگڑوں) سے نجات پا گئے،وہ اب محبوب کی دنیا میں مقیم ہیں، جہاں کہیں بھی ہیں دوسرے مصرعے میں ‘عالمِ یارند’ کی بجائے ‘عالمِ نازند’ بھی ملتا ہے

کز وفا و آشنائی در جہاں آثار نیست عشق و محبت و وفا کے واقف کاروں کے ساتھ کیا معاملہ ہو گیا؟ اور مروت کو کیا ہوا؟ کہ دنیا میں وفا اور آشنائی کی کوئی نشانی، کوئی علامت، کوئی آثار ہی نہیں ہیں

نوائے طُوطی و بانگِ ہزار باید و نیست اِس چمن (دُنیا) میں کہ جو زاغ و زغن (چیل کوؤں) کے دلخراش شور و غوغے سے پُر ہے طوطی و بلبل کی خوش کن صدائیں اور نغمات ہونے چاہیئں مگر افسوس کہ نہیں ہیں

نمی رود غمِ دیرینۂ کہ من دارم رات کے چہرے سے سیاہی چلی جاتی ہے لیکن دل سے نہیں جاتا وہ پرانا غم کہ جو مجھے لاحق ہے

حبس از کجا، من از کجا، مالِ کہ را دزدیدہ ام میں ضرور کسی مصلحت کی وجہ سے اِس دنیا کے قید خانے میں پڑا ہوا ہوں، ورنہ قید خانہ کہاں اور میں کہاں، میں نے بھلا کس کا مال چرایا ہے؟ (کہ قید خانے میں سزا بھگتوں)

روئے بر دوست کن و پشت بدیوار نشیں (لکڑی اینٹ پتھر کے) درِ کعبہ پر بیٹھنے سے کیا بھی حاصل ہوگا، (لہذا) درِ یار پر بیٹھ، اپنا چہرہ دوست کی طرف کر اور دیوار کی طرف پشت کر کے بیٹھ۔