پاک داماں آمدم، آلودہ داماں می روم تیرے (بے رحم اور ظالم) کوچے (دنیا) سے ہم خونِ دل کے سوا اور کچھ بھی نہیں لے چلے، پاک دامن آئے تھے اور (خون سے) آلودہ دامن کے ساتھ جاتے ہیں

سودائے تو خالی کرد، از سر ہمہ سودائے تیری امید نے میرے دل سے ہر طرح کی امیدوں کو نکال باہر کیا اور تیرے خیال و فکر و جنون نے میرے سر کو ہر طرح کے خیال و فکر و جنون سے خالی کر دیا

سنگی بزن، تلخی بگو، تیغی بکش، کاری بکن اب جب کہ میں نے تجھے تنہا دیکھ ہی لیا ہے تو تُو اگر مجھ پر لطف و کرم نہیں کرتا تو کوئی تکلیف کوئی آزار ہی پہنچا دے، کوئی پتھر مار، کچھ تلخ باتیں کر، تلوار کھینچ، کام تمام کر دے

فضلِ خدا چہ کم شود، گر برسد بہ کافرے بحرِ کرم کو کیا بھی فرق پڑتا ہے اگر اس میں سے ایک گھونٹ لے لیا جائے تو، فضلِ خدا کیا بھی کم ہوگا اگر وہ کسی کافر پر بھی ہو جائے تو

جمالِ کعبہ تماشا بیادِ روئے تو کردم میں کعبہ گیا اور وہاں سے بھی تیرے ہی کوچے کی آرزو کی، میں نے جمالِ کعبہ کا نظارہ بھی تیرے ہی چہرے کی یاد میں کیا

متاع کاسِد و بازار ناروا اینجاست میں (دنیا میں) جہاں کہیں بھی جاتا ہوں اخلاص و وفا کے خریدار و قدر دان موجود پاتا ہوں لیکن اس جگہ (میرے دیار میں جہاں میرا محبوب ہے) یہ اخلاص و وفا ایک ناقص و نارائج (آؤٹ آف فیشن قسم کی) چیز ہے اور اِس کا بازار نامناسب […]

ندارد گوشۂ از گوشۂ چشمِ تو دلکش تر وہ بہشت کہ جس کے خیالوں سے زاہد کی نیندیں حرام ہوئی جاتی ہیں اُس میں کوئی گوشہ بھی ایسا نہیں ہے کہ جو تیرے گوشۂ چشم سے دلکش تر ہو

حَبّہ تا فانی نگردد کی بر آرد برگ و بار جب تک تُو اپنے آپ کو فنا نہیں کر لیتا تُو (ازلی) دوست کے ساتھ کب باقی رہے گا، دانہ جب تک (خاک میں مل کر) فنا نہیں ہو جاتا وہ برگ و بار کب لاتا ہے

شرطِ عشق است کہ تا ایں نشود آں نشود جب تک تُو غم میں جان نہیں دے گا تب تک محبوب کا وصل بھی حاصل نہ ہوگا، یہ عشق میں لازم ہے اور عشق کا دستور ہے کہ جب تک یہ (جان دینا) نہ ہوگا تب تک وہ (وصل) بھی نہ ہوگا

چشم بسوئے تو بُود، گوش بدیشاں نرفت دُشمنوں نے بہت سے طعنے مارے، دوستوں نے بہت نصیحتیں کیں، آنکھیں تو تیری طرف لگی ہی تھیں، کانوں نے بھی اُن (دوستوں دشمنوں) کی کوئی بات نہ سُنی