چو مُوسیٰ برسرِ طُور از پئے دیدار می گردم میں اُس کوچے میں سوالی اور فقیروں کی طرح روٹی مانگنے نہیں آتا بلکہ اُس کے کوچے میں اُس کے دیدار کے لیے اُسی طرح گھومتا ہوں جیسے مُوسیٰ کوہِ طُور پر دیدار کے لیے جاتے تھے

نیست روزِ حشر صائب در شمارِ عاشقاں ہر وہ کہ جو اپنے (دل اور سینے پر لگے) داغوں کی تعداد اور گنتی جانتا ہے،اے صائب (یقین جان کہ) روزِ حشر وہ عاشقوں کی گنتی میں نہیں آئے گا

بسیار خوباں دیدہ ام، اما تو چیزے دیگری میں ملکوں ملکوں گھوما ہوں، محبوب لوگوں کی محبت میں بھی اُلجھا ہوں، بہت سے حسین بھی دیکھے ہیں، مگر تو سب سے الگ، کوئی اور ہی چیز ہے

نیست جز آدم دریں عالم کہ بسیار است و نیست وہ کہ جو ہم بہت ڈھونڈتے ہیں مگر اُسے کم کم دیکھتے ہیں اور جو درکار ہے مگر نہیں ملتا، آدمیوں کے سوا اس دنیا میں کوئی ایسی چیز نہیں کہ جو بہت سے ہیں مگر نہیں ہیں

ہر بے خبرے داد بعالم خبر از تو وہ کہ جس نے تیری خبر پا لی اُس کے پاس تو کوئی خبر نہیں (کہ اُسے اپنی خبر بھی نہ رہی)،اور ہر بے خبر دُنیا کو تیری خبر دیتا پھرا

خانہ بخانہ، در بدر، کوچہ بکوچہ، کُو بکُو تیرے چہرے کی دید کے لیے بادِ صبا کی طرح میں سرگرداں ہوں خانہ بخانہ، در بدر، کوچہ بکوچہ، کو بکو

بُود یک قطرہ ز دُردِ تہہِ پیمانۂ ما اے خضر، آبِ حیات کا چشمہ کہ جس پر تُو اتنا ناز کرتا ہے وہ تو ہمارے پیمانے کی تہہ میں بیٹھی ہوئی تلچھٹ کا بس ایک قطرہ تھا

تا کے فغان و نالہ بہ کنجِ قفس کنی اے طائرِ دل، میرے اشکوں کی شبنم سے (ہر طرف) بہار آ گئی ہے، تُو کب تک قفس کے گوشے میں نالہ و فغاں کرتا رہے گا