عمر آں بہتر کہ در پائے نگار آخر شود (کسی عاشق کے لیے) افسوس کا مقام ہے کہ وہ وفا کرنے میں مہندی کے رنگ سے بھی کم تر ہو،کیونکہ عمر وہی بہتر ہے کہ جو محبوب کے قدموں میں تمام ہو جائے، (جیسے مہندی کا رنگ وہیں قدموں میں لگے لگے ہی ختم ہو […]

خارِ خشک از منتِ ابرِ بہار آسودہ است جس دل میں کوئی آرزو نہ ہو وہ دل رنجِ یار سے فارغ اور آسودہ ہوتا ہے، جیسے کہ خشک کانٹا بہار کے بادل کے احسانوں سے بے نیاز ہوتا ہے

خارے کہ بوَد بر جگرِ مرد چہ دانند تمام لوگوں کی حاسد نظریں صرف وصل کے پُھول پر لگی ہوتی ہیں، لیکن وہ کانٹا کہ جو عاشقوں کے جگر میں ہوتا ہے اُس کے بارے میں وہ کیا جانیں

گر صبح ہست خاطرِ من شاد، شام نیست میں ہمیشہ اور ہر وقت ہی اس خیال میں ہوتا ہوں کہ جمالِ یار کا نظارہ کروں، اگر صبح کے وقت میرا دل شاد ہوتا ہے (نظارہ ہو جاتا ہے) تو افسوس شام کو نہیں ہوتا

بادہ گر خام بوَد، پختہ کند شیشۂ ما ہمارے دل میں غمِ دُنیا بھی غمِ محبوب بن جاتا ہے، شراب اگر کچی ہو (غمِ دنیا) تو ہمارا شیشۂ دل اُسے پختہ شراب (غمِ محبوب) بنا دیتا ہے

گفتا کہ چارہ عشق را صبر است یا آوارگی میں نے ایک صاحبِ دل سے پوچھا کہ دردِ عاشقی کا درمان کیا ہے؟ اُس نے کہا کہ عشق کا چارہ صبر ہے (اور اگر یہ نہ ہو سکے) تو پھر بس آوارگی

ہم خود بگو کہ چوں نکشم آہِ درد ناک دل خون ہو چکا ہے، جان تار تار ہے جگر گھائل ہے اور سینہ چاک،تُو خود ہی کہہ کہ میں کیسے دردناک آہیں نہ بھروں

خاک بُودیم ز فیضِ نظر اکسیر شدیم دوست ہم پر شفقت کی نظر ڈالتا ہوا گذرا ہم خاک تھے لیکن فیضِ نظر سے اکسیر ہو گئے

ور نہ بیند چہ بوَد فائدہ بینائی را آنکھوں کا فائدہ اور حاصل یہ ہے کہ وہ دلبر کو دیکھیں اور اگر نہ دیکھیں تو پھر بینائی کا کیا بھی فائدہ

از چشمِ بدَت دانۂ انگور شود خشک زاہد، باغ سے چلا جا کہ تسبیح کے دانوں کی طرح، تیرے بُری نظر لگنے سے انگور کے دانے بھی خشک ہو جاتے ہیں