جذباتِ نو پر جوانی تھی ، وہ ہے
مرقوم جو اعجاز بیانی تھی ، وہ ہے اظہارِ کمالات زبانی نہ سہی پہلے جو طبیعت میں روانی تھی ، وہ ہے
Category: شاعری
اے شیخ تجھے پاسِ زباں ہے کہ نہیں
تو واقفِ اسرارِ جہاں ہے کہ نہیں ہر حق کہ زیاں جرم ہے اور سود حرام جائز بھی کوئی چیز یہاں ہے کہ نہیں
چھٹکارا غمِ داغ سے ہو گا کیونکر
منہ دیکھیں گے اب مرگ و لحد کا کیونکر پیری میں سکت بھی نہیں دنداں بھی نہیں کاٹیں گے ہم اب عمر کا رشتہ کیونکر
یہ کیا دستِ اجل کو کام سونپا ہے مشیت نے
چمن سے توڑنا پھول اور ویرانے میں رکھ دینا تمام اسرارِ الفت کا بیاں بھی جرم ہے حیدرؔ کچھ اپنے دل میں رکھ لینا کچھ افسانے میں رکھ دینا
آفت رسیدہ زیست پہ حیدرؔ یہ اوجِ فکر
قسمت زمیں ملی ہے مزاج آسماں مجھے
عشق کی چوٹ تو پڑتی ہے دلوں پر یکسر
ظرف کے فرق سے آواز بدل جاتی ہے
چمن والوں سے مجھ صحرا نشیں کی بودو باش اچھی
بہار آ کر چلی جاتی ہے ویرانی نہیں جاتی
جا تجھے مژدۂ وصال دیا
ہائے کیا بات کہہ کے ٹال دیا
تمہاری راہ میں مٹ تو رہے ہیں
ثبوتِ زندگی دیں اور ہم کیا؟
خاک ہی آپ کے قدموں کو میسر نہ ہوئی
ورنہ دیوانے کی مٹھی میں بیاباں ہوتا