میں محبت ہوں، مجھے آتا ہے نفرت کا علاج
تم ہر اک شخص کے سینے میں مرا دل رکھ دو
Category: شاعری
نہ جانے کون سی مٹی میں جا کے جذب ہوا
ہمارے قطرۂ خوں کا حساب تک نہ ملا
پتھروں کے سوداگر آئینوں سے لڑتے ہیں
وقت کی صلیبوں پر خوں ہوا ہزاروں کا
ہم نے کی جس کی پذیرائی بہت
اس نے بخشی ہم کو تنہائی بہت دستکوں کا کیا، بھروسہ کیجئے دستکیں ہوتی ہیں ہرجائی بہت
تھک کر بیٹھا کہاں مسافر ، راہ میں ہمت ہار گیا
ناداں اتنا جان نہ پایا منزل تھی دو گام کے بعد
میں آخر آدمی ہوں کوئی لغزش ہو ہی جاتی ہے
مگر اک وصف ہے مجھ میں دل آزاری نہیں کرتا
الم کی دھوپ میں احباب کام آیا نہیں کرتے
یہ وہ اڑتے ہوئے بادل ہیں جو سایا نہیں کرتے
عزمِ خودی سلامت ، مشکل بھی کوئی شے ہے
اکثر ہوئی مشیت مجبور آدمی سے
یا تیغ کے نیچے یا سرِ دار کیا جائے
حق ، حق ہے تو ہر حال میں اظہار کیا جائے
نرم زمیں اور پانی کے محتاج نہیں ہیں ہم
ہم تو وہ کونپل ہیں جو پتھر سے نکلے ہیں