اردوئے معلیٰ

Search

آخری حد پہ اک جنون کے ساتھ

مل دسمبر کبھی تو جون کے ساتھ

 

میرا لکھنے کا وقت ہوتا ہے

لوگ سوتے ہیں جب سکون کے ساتھ

 

کرب _ تخلیق سہنا پڑتا ہے

شعر میں سینچتی ہوں خون کے ساتھ

 

سردیوں میں اسے میں بھیجوں گی

اک سویٹر بنا ہے اون کے ساتھ

 

میں نہیں جانتی کہ آنکھوں کا

کیا تعلق ہے مون سون کے ساتھ ؟

 

یعنی اب سیکھ لوں میں گھرداری

لیس ہو جاؤں سب فنون کے ساتھ

 

صاف لگتا ہے عشق ہو گیا ہے

چپکے رہتے ہو اپنے فون کے ساتھ

 

کس قدر میچ کر گئی کومل

اس کی آواز دل کی ٹون کے ساتھ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ