اردوئے معلیٰ

Search

آپ کی یاد دِل میں بستی ہے

دِل مدینہ کی گویا بستی ہے

 

ہے جو رحمت کُل عالمیں کے لیے

آپ کی وہ عظیم ہستی ہے

 

آستانِ نبی پہ ہر لمحہ

رحمتوں کی گھٹا برستی ہے

 

خود بچاتے ہیں آپ، اُمت کی

جب بھی ناؤ بھنور میں پھنستی ہے

 

منتظر میری چشمِ تر، آقا

آپ کی دید کو ترستی ہے

 

راہِ طیبہ میں یا نبی حائل

مفلسی، میری تنگ دستی ہے

 

یا نبی! اب طلوعِ صبح، ظفرؔ

شب گزیدہ کو رات ڈستی ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ