اردوئے معلیٰ

Search

آپ کے سر سجا ہے تاجِ کرم

سب کو رہتی ہے احتیاجِ کرم

 

معدنِ جود ہیں تری گلیاں

تیرے کوچے میں ہے رواجِ کرم

 

خاکدانوں سے آسمانوں تک

میرے محبوب کا ہے راجِ کرم

 

آپ کے در سے یارسول اللہ

مل رہا ہے مجھے اناجِ کرم

 

بھائی بھائی بنے بڑے چھوٹے

یوں مرتب ہوا سماجِ کرم

 

بے کسوں بے نواؤں کے گھر میں

ضوفشاں ہے ترا سراجِ کرم

 

تیری شفقت عدوئے جاں پر بھی

نرم و شیریں ترا مزاجِ کرم

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ