اردوئے معلیٰ

Search

آپ کے پیار کے سہارے چلوں

آپ کا نام ہی پکارے چلوں

 

مُجھ کو سرکار نے بلایا ہے

چھوڑ کر کام کاج سارے چلوں

 

اپنی پلکوں سے نقشِ پا چوموں

آپ کی را ہوں کے کنارے چلوں

 

آپ کا نور رہنما ہے مرا

دیکھ کر کیوں میں چاند تارے چلوں

 

شبِ معراج رونما جو ہوئے

خواب میں دیکھتا نظارے چلوں

 

دستِ قدرت جو تھامے ہاتھ مرا

نعت کے زاویے اُبھارے چلوں

 

آنسوؤں کے سوا ظفرؔ! میرے

پاس کچھ بھی نہیں جو وارے چلوں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ