آ وڑیا ترے شہر مدینے اک غمگین سوالی ھُو

آ وڑیا ترے شہر مدینے اک غمگین سوالی ھُو

کملی والیا لج پالا، کرِیں نال اُسدے لج پالی ھُو

 

رو رو عرض گزارے شاہا پکڑ سُنہری جالی ھُو

ایہہ مانگت نہیں ٹلن والا، کاسے پا خوش حالی ھُو

 

واسطہ پاوے زہراؓ دا، کرِیں لُگیاں دی رکھوالی ھُو

حسنؓ حسینؓ دا سِر صدقہ آج بھر دے بھانڈا خالی ھُو

 

فقر ابوذرؓ والا بخشیں ، دیویں سوز بلالی ھُو

تیری شان خدایُوں اُچّی ، تیرا حُسن مثالی ھُو

 

سِر تے تاج شفاعت والا ، موہڈے کملی کالی ھُو

کیوں نصیر نہ میں کھٹکانواں اُس دا بابِ عالی ھُو

 

جس نوں سب توفیقاں ربّوں ، جو اُمّت دا والی ھُو

جھولیاں بھر بھر لوکی جاندے میں کیوں جانواں خالی ھُو

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ