جو ہر زمانے کا پیشوا ہے ‘ وہ آرہا ہے ‘ وہ آرہا ہے

جو انبیا کا بھی مقتدا ہے ‘ وہ آرہا ہے ‘ وہ آرہا ہے

جو مجتبیٰ ہے جو مصطفیٰ ہے ‘وہ آرہا ہے ‘ وہ آرہا ہے

جو خاتم الانبیاء والمرسلین ٹھہرا ‘امین ٹھہرا

جو سیّد و شاہِ انبیا ہے‘ وہ آرہا ہے ‘وہ آرہا ہے

وہ جس کے شبّیر اور شبّر ہیں دل کے ٹکڑے‘ جگر کے پارے

وہ جس کا داماد مرتضیٰؓ ہے‘ وہ آرہا ہے ‘ وہ آرہا ہے

وہ جس کو اسریٰ کی شب بلایا ہے ذوالعُلیٰ نے ‘مرے خدا نے

جو سائرِ منزلِ دنیٰ ہے ‘ وہ آرہا ہے ‘ وہ آرہا ہے

وہی جو سلطانِ دو جہاں ہے‘ شہِؑ زماں ہے ‘قرارِجاں ہے

خدا کے بعد اس کا مرتبہ ہے ‘وہ آرہاہے ‘ وہ آرہاہے

وہ جس کا ہر قول ہے یقیناً کلامِ باری جہاں میں جاری

جو لہجۂ حق میں بولتا ہے ‘ وہ آرہا ہے ‘ وہ آرہا ہے

وہ جس کو قاسم خدائے مُعطی نے خود بنایا ‘ کرم کمایا

وہ جس کے در کا جہاں گدا ہے ‘ وہ آرہا ہے ‘ وہ آ رہا ہے

وہ جس کے دم سے وجودِ کون و مکاںہے ازہرؔ‘جہاں ہے ازہرؔ

وہ آرہا ہے ‘ وہ آرہا ہے ‘ وہ آرہا ہے ‘ وہ آرہا ہے

اردوئے معلیٰ

اردوئے معلّیٰ