اردوئے معلیٰ

Search

اج نین ملائے نی سرکار بھلا ہووی

صدیاں دے گھلائے نی بیمار بھلا ہووی

 

اک جام تجلیاں دا چھلکا کے نگاہواں توں

جگ مست بنائے نی دلدار بھلا ہووی

 

کر کر کے نظر میرے کافر جئے خیالاں نوں

کلمے چا پڑھائے نی مختار بھلا ہووی

 

کونین تینوں تک کے حق حق دی صدا دیوے

سرکار کرائے نی دیدار بھلا ہووی

 

ہے کون بھلا پچھدا اج حال غریباں دے

مجبور دے چائے نی آ بھار بھلا ہووی

 

میں تیر کیویں جھلدا سنسار دے مہنیاں دے

سبھ عیب لکائے نی سردار بھلا ہووی

 

اعجازؔ وکھایا ای ماحول مدینے دا

کیہ شعر سنائے نی اج یار بھلا ہووی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ