اردوئے معلیٰ

Search

اج کیوں وجد وچ کعبہ آیا کون جگ تے بھلا آ گئے نیں

سنگ ریزے کہون مر حبا اج آگئے مصطفیٰ آ گئے نیں

 

عرش وی نیں فدا ہو کے بولے فرشیو اج سمھالو دلاں نوں

پا کے مازاغ دا سرمہ اکھ وچ ٹھا کے ڈورے طغیٰ آ گئے نیں

 

کھس لَوِن آپ دل مسکرا کے کُنڈلاں دی دیوانی بنا کے

زلف والّیل وچ قید کر کے رحمتاں دی گھٹا آ گئے نیں

 

زنگ باطل دا دل توں اتارن آ گئے حق دے مکھ نوں نکھارن

نین سرکار سوہنے ملا کے اج ملاون خدا آ گئے نیں

 

مار کے بد نصیبی نوں تالے توڑ کے غم دیاں بیڑیاں نوں

ہجر دی جیل دے قیدیاں نوں خود کرن اج رہا آ گئے نیں

 

چھڈ اڑی من جا گل بن سیانا شاہ آیا حیا دے وطن دا

کہن روڑے حیا کر چا جھلیا ہُن تے سانوں حیا آ گئے نیں

 

آپ دے عشق دا بانا پایا تاج سِر تے وفا دا سجایا

کعبہ اعجازؔ من کے قلم نوں شعر سِر نوں جھکا آ گئے نیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ