اردوئے معلیٰ

استماعِ ذکرِ حق، مصرف سدا ہو یا نبی

 

استماعِ ذکرِ حق، مصرف سدا ہو یا نبی

ورد لب شام و سحر صلِ علٰی ہو یا نبی

 

پھر تمنّائے زیارت لے چلے سوئے حرم

پھر سے عاشق پر کوئی ایسی عطا ہو یا نبی

 

یامحمد کہتے کہتے دم نکل جائے مرا

سر سوئے روضہ دم آخر جھکا ہو یا نبی

 

حشر میں پاؤں لواء الحمدکے نیچے جگہ

اور سر پر سایہ زلف دوتا ہو یا نبی

 

دم بہ دم آراستہ روئے سخن کرتا رہوں

اک یہ ہی مصرف مرا صبح و مسا ہو یا نبی

 

چاہتا ہے نامۂ اعمال منظرؔ اس طرح

اوّل و آخر لکھا صل علیٰ ہو یا نبی

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ