اردوئے معلیٰ

Search

امانتاں دا امین اوہ اے

صداقتاں دا یقین اوہ اے

 

حسِین ویکھن تے اوہ بھی آکھن

خدا دی قسم ایں حسِین اوہ اے

 

اداواں آئیتاں اُس دیاں نیں

اصل کتاب مبین اوہ اے

 

لگے نیں نعلین مصطفیٰ دے

خدا دا عرشِ برین اوہ اے

 

قریب مومن دی جان دے ہے

دلاں دے اندر مکین اوہ اے

 

جو سانس اوہناں دی یاد وچ ہے

اوہناں دے عاشق دا جین اوہ ہے

 

حدیث قرآن اپنی تھاں نیں

نبی نوں ویکھاں تے دین اوہ اے

 

زبان آکھے جو مصطفیٰ دی

اصول اوہ اے آئین اوہ اے

 

مقابلہ اُس دا کر نہ جاہل

علیم اوہ اے ذہین اوہ اے

 

جو دیوے سجدے چ تن بہتّر

رضا دے وچ آفرین اوہ اے

 

نماز نبیاں نوں اوہ پڑھاوے

امام برحق معین اوہ اے

 

شریعت اُس دی ہوئی مسلّم

معلّمِ مُرسلین اوہ اے

 

مجیدؔ عرشی کرن زیارت

مدینے دی سر زمین اوہ اے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ