اردوئے معلیٰ

اُن کے دل میں قُل ھُوَ اللہُُ اَحَد ھے مَوجزن

اُن کے دل میں قُل ھُوَ اللہُُ اَحَد ھے مَوجزن

حق شناس آنکھوں میں اَللّہُ الصّمَد ھے مَوجزن

 

گفتگو میں لَم یَلِد وَ لَم یُو لَد ھے مَوجزن

اور ذاتِ پاک میں ذاتِ اَحَد ھے مَوجزن

 

سیرتِ اَطہر ھے کیا ؟ تفسیر ھے قُرآن کی

صُورِت اقدَس ھے کیا ؟ معراج ھے انسان کی

 

ابتدائے آرزُو سے سوز و سازِ عشق تک

اُنس کی ابجد سے لے کر گہرے رازِ عشق تک

 

پہلی سجدہ گاہ سے جائےنمازِ عشق تک

خاک زادوں سے خُدائے کارسازِ عشق تک

 

ھر قدم پر کون ھے رھبر ؟ مُحمد ھی تو ھیں

کون ھے سایہ فگن ھم پر ؟ مُحمد ھی تو ھیں

 

مرھمِ زخمِ الَم، چارہ گرِ بے چارگاں

راحتِ چشمِ فسُردہ، مُونسِ غمگیں دِلاں

 

ساقئ کوثر برائے اُمّتِ تشنہ لباں

یعنی سرکارِ دو عالم، رحمتِ کون و مکاں

 

جب بھی ھم مُضطر ھوں، مِلتا ھے سہارا آپ کا

ھائے کیا پیارا تعلّق ھے ھمارا آپ کا

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ