اردوئے معلیٰ

آسماں سے نور کی برسات ہے

کس قدر پُر نور بزمِ نعت ہے

 

ہر دلِ صادق میں یادِ مصطفی

ہر لبِ صادق پہ اُن کی بات ہے

 

آنے والے ہیں محمد مصطفی

وجد میں محفل ہے ، ہر اک ذات ہے

 

چاند ، تاروں میں عجب ہے دلکشی

اللہ ، اللہ کیا سہانی رات ہے

 

دامنِ دل لے کے آ جاؤ ادھر

مرحبا! رحمت کی بھی سوغات ہے

 

اُن کی نسبت سے رضاؔ سب عزتیں

ورنہ میں کیا ، کیا مری اوقات ہے

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات