اردوئے معلیٰ

Search

آنکھ محرومِ نظارہ ہو ، ضروری کیا ہے

دل میں جب شوقِ زیارت ہے تو دوری ، کیا ہے

 

اُن کی تعظیم میں وہ آنکھ اٹھاتے کب ہیں

جو سمجھتے ہیں تقاضائے حضوری کیا ہے

 

"خواب میں دید یہاں ” اور شفاعت ” واں ہو”

بات پھر دنیا و عقبیٰ میں ادھوری کیا ہے

 

"حسنِ رحمت سے جہانوں کو منور کرنا”

دہر میں آپ کا ” مقصودِ ظہوری”  کیا ہے

 

رہِ سیرت پہ کبھی پاؤں نہ ڈولیں میرے

ماسوا اس کے، مری ، سعیِ شعوری کیا ہے

 

آپکی ہستی ہے ” تخلیقِ مکمّل ” آقا

ورنہ دنیا میں کوئی چیز بھی پوری ، کیا ہے

 

ظلمتِ دشت کے گمراہو! مدینے آؤ

آ کے نظارہ کرو گلشنِِ نوری کیا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ